Qasa Badih Qafarih Ummattay Cayyu Kambil dabboh geytimtat jabuutik saay xagar abeh yan ugra kee sekeekelo Qasa Bacih Qafarih Democraasih Missoyna Saddah tanim kee Djbuutih doolat tannah tan ceelo wayto dabboh xiinal bahteh tan doolat xagaritte doolat madqah essertam faxximtam kee faxximtah tan maaqatta keenil beytaamih essero massakaxxa kee kunnabnal esserram.
Dabboh xiina loonuh yanin wayto tanu essero yalloonu loonuh yanin baadak dabboh xiina gaarih madqaak ugutak sabhalalle le weelol esseraanam kee keenit booddam tenek geysis kee agaaradal fakak fidin alil yalleenim faxximta.
Dabboh xiinat tekkeh tan ceelo wayto kee ken yuufeh yan taqabik calli geytemuh Qasabadih qafarih demokraasih missoyna faxxima macal abak jabuutik doolat xagaritte fayya le caddul geyak wallalem ke jabuuti doolatay dabboh xiina yoofeh yan gebdaabinah ceela fidga akah abeleemil kaxxa kibaalay linom.
Tonnah kaaduuy cayyu xinto kee Giclo abah tanih tan cayyuh Ummattay Qafar goori qokolul tamixxige Qasa Badih Qafarih Ummatta abeenih yanin arciba kee aytakumal nakure waak bisoh edde iyyaanam kassisna.